Loqolu lent harada istifadə olunur? 7 ideya biznes və tədbirlər üçün

Yazılı lent ucuz, amma çox təsirli reklam vasitəsidir: hər bağlanan qutu, buket və hədiyyə adınızı müştəriyə və onun ətrafına göstərir. Budur ən çox istifadə olunan 7 yer.

1. Mağaza və butik qablaşdırması

Alış-verişdən sonra qutu və ya paketi loqolu lentlə bağlamaq qablaşdırmanı hədiyyəyə çevirir. Brendli paketlər və stikerlərlə birlikdə tam brend görünüşü yaranır.

2. Gül buketləri

Gül mağazaları buketləri adı yazılmış atlas lentlə bağlayır — buketin şəkli sosial şəbəkədə paylaşılanda adınız da görünür.

3. Şirniyyat və şokolad qutuları

Qənnadı, tort və şokolad dükanları üçün qızılı və ya ağ çaplı lent qutuya premium görünüş verir.

4. Toy, nişan və xına

Adlar və tarix yazılmış lentlər şirniyyat bağlamalarında, gəlin buketində, qonaq hədiyyələrində istifadə olunur. Ağ, krem və qızılı lent üzərinə qızılı çap ən çox seçilir.

5. Açılış lenti

Mağaza, restoran və ofis açılışında kəsilən lentin üzərində şirkət adı fotolarda gözəl görünür. Bunun üçün adətən qırmızı atlas lent üzərinə ağ və ya qızılı çap seçilir.

6. Korporativ hədiyyələr

Novruz, Yeni il və şirkət tədbirləri üçün hədiyyələri loqolu lentlə bağlamaq korporativ üslubu tamamlayır.

7. Geyim və aksesuar etiketləri

Reps lent üzərinə çap edilmiş brend adı geyim, çanta və aksesuarlarda tikilən etiket kimi də istifadə olunur.

Necə sifariş etməli?

Lent çapı səhifəsində material (atlas və ya reps), en (2 və ya 2.5 sm), lent rəngi və çap rəngini seçin, loqonuzu yükləyin. Minimum 100 metr, 100 m-in qiyməti 55 ₼-dan.